Preseadis e Preseâts

Al è cun plasê che Us segnalìn lis iniziativis

“LA GRAFIE UficiÂl
DE LENGHE FURLANE”

disponibile la gnove edizion dal volum de grafie UficiÂl
cu lis traduzions
par talian, par inglês e par spagnûl. 

In ocasion de celebrazion dal Trentesim aniversari de aprovazion de Grafie de Lenghe Furlane, e je stade presentade la gnove edizion plurilengâl dal  manuâl ae presince dal glotolic catalan de Universitât di Girona, Xavier Lamuela, espert di lenghe furlane e “pari” de grafie unificade,
deventade uficiâl cu la L.R. 15/1996.
La ultime edizion e jere stade publicade intal 2002 dal
Osservatori Regjonâl de Lenghe e de Culture Furlanis.

La gnove publicazion si pues ritirâ tai uficis de ARLeF.
Tal sît si pues discjamâ la version eletroniche
ancje par spagnûl dongje dal talian e dal inglês.

Fracant chi o podês savênt di plui

“gnûfs bants pe promozion de lenghe furlane"

105 mil euros i fonts a disposizion.
al prin di Setembar IL Tiermin par presentâ lis domandis.

La ARLeF e à emanât trê gnûfs bants trienâi (2016-2018)
pe realizazion di progjets pe promozion de lenghe furlane
intai setôrs de editorie, de ricercje sientifiche e dal spetacul.

 Pe editorie, a son previodûts finanziaments aes librariis
che si impegnin a fâ cressi la visibilitât dai libris par furlan e pe stampe
di gnovis publicazions pe infanzie. Pe ricercje sientifiche, e ven supuartade la creazion di un Centri di documentazion pe lenghe furlane cul compit di racuei e di catalogâ i materiâi didatics pal insegnament de lenghe furlane e lis iniziativis didatichis intes scuelis secondariis di II grât. 
Intal setôr dal spetacul si finanzie la realizazion di ativitâts di promozion de lenghe furlane cun spetacui e ativitâts indreçadis ai zovins in almancul doi avigniments di nivel regjonâl, vierts al public.

Lis domandis a varan di rivâ dentri dal tiermin di
misdì (12:00) dal prin di Setembar dal 2016.

Fracant chi o podês lei i bants

ARLEF
E CÎR VOLONTARIS PAR
PROMOVI IL FURLAN

SI DOMANDE AI ZOVINS UN COINVOLZIMENT
TES ATIVITÂTS di promozion de lenghe furlane

Di Setembar a Dicembar dal 2016, la ARLeF e sarà presinte cuntun
so stand in diviersis manifestazions impuartantis dal teritori
par promovi, soredut jenfri i zovins, la lenghe furlane.
Par chest, e intint fâ stât su la colaborazion di massime vincj volontaris par dâ bon acet ai partecipants dai events:  Friuli Doc (Udin) - dai 8 ai 11
di Setembar;  Gusti di Frontiera (Gurize) - dai 22 ai 25 di Setembar; 
Suns Europe, festival european des arts performativis
in lenghe minoritarie (Udin) - dai 30 di Novembar ai 4 di Dicembar.

Al pues presentâ domande di partecipazion dome cui che al à plui di
18 agns. Te sielte a varan la prioritât i zovins jenfri i 18 e i 40 agns. 
Il bant al è viert ancje ai extracomunitaris. Lis domandis di partecipazion
a van mandadis dentri di lunis ai 31 di Avost dal 2016.

Fracant chi o podês savênt di plui