Preseadis e Preseâts

Al è cun plasê che Us segnalìn lis iniziativis

“FURLAN LENGHE DE EUROPE”

Joibe ai 27 di Otubar, a Bruxelles, il seminari NPLD
cun protagonistis lis minorancis linguistichis
de nestre Regjon e la scree de mostre curade de ARLeF

 Il rûl des lenghis minoritariis intes economiis europeanis
e lis potenzialitâts dal multilinguisim tant che fatôr di cressite economiche
e ocupazionâl intes regjons de Europe a son il teme dal
Seminari anuâl dal Npld (Network to promote linguistic diversity),
programât cu la colaborazion de Regjon F-VJ e de ARLEF
inte zornade di Joibe ai 27 di Otubar a Bruxelles,
inte sede prestigjose de Comittee of the Regions.

 Protagoniste de matinade e sarà la nestre Regjon - rapresentade
dal Conseîr Claudio Violino e dal President de ARLeF Lorenzo Fabbro -
e la ricjece des sôs diversitâts linguistichis.
A relazionâ sul teme, devant di une platee di esperts di diviersis
minorancis di Europe, a saran William Cisilino pe Lenghe Furlane,
Zaira Vidau (Slori) pe Lenghe Slovene
e Monica Cecchin (KKV) pe Lenghe Todescje.

Aes 18.00, li dal Ufici di Colegament de Regjon F-VJ, e je invezit programade la scree de mostre FURLAN LENGHE DE EUROPE,
curade dal Diretôr de ARLeF William Cisilino.
L'event al larà indevant cu la presentazion de publicazion
“99 domandis: diversitât linguistiche e dirits linguistics” e cuntun
moment musicâl cul cjantautôr furlan Loris Vescovo.
In sieradure de serade, l’Ersa al ufrirà une cerce di prodots tipics furlans
ai ospits dal Npld e ai nestris coregjonâi a Bruxelles.

La Mostre FURLAN LENGHE DE EUROPE si podarà gjoldi ancje a Udin,
al Teatri Giovanni da Udine dilunc dal Festival Suns Europe
tes zornadis dal 1-2-3 di Dicembar dal 2016.

Fracant chi o podês sâve di plui