Preseadis e Preseâts

Al è cun plasê che Us segnalìn lis iniziativis

“cibi e riti
delle minoranze linguistiche
storiche d'italia”

a Udin, Martars ai 8 di Novembar aes 18.00
la presentazion dal libri Publicât
de Universitât dai Studis di Siencis Gastronomichis
e Slow Food

Al sarà presentât ae Librarie Feltrinelli a Udin il libri, fresc di stampe, dedicât aes tradizions gastronomichis des minorancis, 
studiadis e interpretadis su la fonde dal leam fuart
che lis unìs al timp festîf e rituâl.

Tra i saçs dal volum, doi a aprofondissin
la cusine dai furlans, curâts dal Diretôr de ARLeF William Cisilino 
e dal gjornalist Adriano Del Fabro, intant che un al è dedicât ae cusine
dai Slovens dal Friûl, curât di Roberto Dapit.

Insiemi ai autôrs a intervignaran il curadôr dal libri,
prof. Piercarlo Grimaldi, Retôr Magnific de Universitât dai Studis di Siencis Gastronomichis di Pollenzo, Angelo Boscarino coordenadôr dal progjet minorancis linguistichis storichis di Italie dal MIBACT (BIA – Beni Immateriali e Archivistici) e Gian Paolo Gri, za professôr di antropologjie culturâl de Universitât dal Friûl.

L'apontament al è previodût par martars ai 8 di Novembar,
te Librarie Feltrinelli a Udin, aes 18:00. 

Fracant chi o podês save di plui:

“Il furlan in librarie"

Progjets Finanziâts De Arlef
Agjenzie Regjonâl Pe Lenghe Furlane

Te suaze dal progjet de ARLeF, pensât par promovi la editorie furlane
di cualitât tes librariis dal teritori, Us invidìn ai prossims events
di leture e di informazion:

Martars ai 8 di Novembar aes 17.00
LIBRARIE PECORA NERA (Vie Glemone, 46 - Udin)
Progjet “VOI A SCOLT” 
Une selezion dai miôr libris ilustrâts in lenghe furlane
e in lenghe taliane, sielzûts cun cure dai librârs.

Leturis par furlan di “Chi me l’ha fatta in testa” (W. Holzwart, W. Erlbruch, ed. Salani) e di “Casa” (C. Ellis, Emme Edizioni). Un famôs farc al cîr di svindicâsi e un album dedicât a dut ce che al rapresente la cjase.

Miercus ai 16 di Novembar aes 19.00
LIBRARIE W. MEISTER & CO (Place Vittorio Emanuele II, 1 - San Denêl)
Progjet “LEI DI GUST”
Leturis, presentazions e incuintris par riscuvierzi il gust di lei e di scoltâ in marilenghe. “Disvoluçâ pagjinis e spalancâ pussibilitâts…”

Franco Marchetta: Il furlan tant che lenghe europeane, il Friûl tant che "laboratori" talian. Cun Alessandro Di Pauli, Angela Felice, Gianmaria Marchetta, Paolo Medeossi, Elvio Scruzzi. Intervents musicâi di  Dario Caporuscio, flaut traviers, e Eugenio Delle Vedove, violoncel.
Al coordene Umberto Alberini.

In curt altris apontaments.

“SUNS Europe AL CÎR VOLONTARIIS E VOLONTARIS”

1 – 2 – 3 di Dicembar dal 2016 
tal Teatro Nuovo Giovanni da Udine

SUNS Europe, il festival là che artiscj, lenghis e comunitâts
di dut il continent a contin di lôr e si confrontin,
AL CÎR VOLONTARIIS E VOLONTARIS. 
Il tiermin par mandâ il modul di adesion al è
Lunis ai 14 di Novembar dal 2016. 
Lis volontariis e i volontaris a saran impegnâts li dal
Teatri Giovanni da Udine intes zornadis dal prin ai 3 di Dicembar dal 2016.

SUNS Europe al è nassût a Udin, in Friûl, cûr multilengâl de Europe,
e al è un festival che za di cualchi an al premie lis miôr produzions artistichis intes lenghis minorizadis dal continent.
SUNS EUROPE: par une Europe unide pardabon inte diversitât.

Fracant chi o podês savênt di plui e discjamâ il modul: