Viôt la version on line / Facebook / Twitter / YouTube / Instagram
testata_newsletter_arlef.jpg

Preseadis e Preseâts

Al è cun plasê che Us segnalìn lis iniziativis

 
frame newsletter 600x335_new_1.jpg

“FREE&ULLI, GJAT-UT
E FAMEIS”

Par Nadâl in librarie tantis gnovis storiis par furlan.

Dopo “Free&Ulli” - i libruts di Futura Edizioni par lei, par imparâ e par ridi insiemi cuntune moscje tant simpatiche e cuntun elegant crot inglês -
a jessin in chescj dîs ancjemò dôs gnovis golainis in lenghe furlane, pensadis par contentâ i plui piçui e par tignîur compagnie
sot fiestis di Nadâl.

Si clamin "Gjat-UT" e “Fameis”, e ancje chestis a son stadis realizadis
cul contribût de ARLeF, Agjenzie Regjonâl pe Lenghe Furlane.
"Gjat-UT", il simpatic tuiut za cognossût dai frutins, al conte lis sôs
gnovis aventuris ai fruts dai 0 ai 6 agns, intant che la golaine "Fameis"
e mostre cui voi dai fruts cemût che lis fameis in dì di vuê
a puedin jessi diferentis ma simpri plenis di amôr.
Lis dôs golainis a son publicadis des cjasis editoris Corvino e de Kappa Vu.

Free&Ulli, Gjat-UT e Fameis si puedin comprâ in dutis lis librariis dal Friûl za de setemane prin di Nadâl.

 
arlef_immagine convegnoteramo.jpg

“VALUTÂ LIS POLITICHIS LINGUISTICHIS”

DAI 14 AI 16 DI DICEMBAR, UNE CUNVIGNE INTERNAZIONÂL A TERAMO


E tache ai 14 di Dicembar, a Teramo, la decime edizion des Zornadis dai Dirits Linguistics, organizade de Associazion LEM-Italia cu la colaborazion de Universitât di Teramo, de Universitât di Girona e dal ODELLEUM,  Osservatori des Lenghis de Europe dal Mediterani.

La cunvigne "Valutâ lis Politichis Linguistichis. Cuâi obietîfs,
criteris, indicadôrs?" e vûl esplorâ i fins e lis modalitâts
des politichis linguistichis in Italie, in Europe e oltri.
I sedis intervents de prime zornade a saran dedicâts a un confront
tra lis politichis europeanis e chês de Afriche dal Mediterani.
Intes dôs zornadis di lavôr sucessivis, si fevelarà di valutazion economiche, di integrazion sociâl, di educazion, di justizie e di dirits linguistics. E sarà la partecipazion di impuartantis personalitâts, e tra chês Fernand de Varennes, un dai principâi studiôs di dirits linguistics, e Pierfranco Bruni in rapresentance dal Ministeri dai Bens Culturâi, MIBACT.
Al tiermin de cunvigne e je programade une riunion di lavôr dedicade
ae estension di une prime propueste di indicadôrs
e di criteris pe valutazion des politichis linguistichis.

Za di vuê, 12 di Dicembar, e par dutis lis zornadis des voris,
intes dôs sedis de cunvigne - te Universitât di Teramo e a Giulianova -
e sarà esponude la mostre "Furlan Lenghe di Europe" prontade de ARLeF.  La Agjenzie e sarà rapresentade dal diretôr William Cisilino,
membri ancje dal Comitât Sientific de Cunvigne.


Fracant chi o podês lei il program complet

lei online
 
STANUS DAÛR SU
Facebook / Twitter / YouTube / Instagram
ARLeF
Agjenzie regjonâl pe lenghe furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr de leç 196/2003, frache CHI par tirâ vie la tô email dal archivi.
Par plui informazions lait a viodi la informative su la Tutele de privacy.