Viôt la version on line / Facebook / Twitter / YouTube / Instagram
testata_newsletter_arlef.jpg

Preseadis e Preseâts

Al è cun plasê che Us segnalìn lis iniziativis

 
arlef_frame newsletter_docuscuele.jpg

“docuscuele”
Presentazion dal gnûf centri di documentazion

pe scuele furlane

iniziative di formazion
Increditade daûr des Liniis Vuide Miur.

Miercus ai 22 di fevrâr, des 16.30,
tal auditorium de regjon fv-j.




E je in program par Miercus ai 22 di Fevrâr dal 2017,
li dal Auditorium dal Palaç de Regjon F-VJ in vie Sabbadini a Udin,
la presentazion di DOCUSCUELE,
il gnûf Centri di documentazion, ricercje e sperimentazion didatiche nassût daûr de volontât dal Assessorât regjonâl ae Istruzion e di une intese tra Agjenzie Regjonâl pe Lenghe Furlane e Societât Filologjiche Furlane. 

Il Centri al da continuitât ae formazion culturâl, professionâl e linguistiche dai insegnants di lenghe furlane che achì a podaran vê a disposizion risorsis culturâls e materiâi par integrâ e disvilupâ la lôr preparazion. 
Al incuintri, che al scomençarà aes 16.30, a saran presints
Loredana Panariti
, Assessore ae Istruzion de Regjon Friûl-Vignesie Julie;
Pietro Biasiol, Dirigjent titulâr dal Ufici Scolastic;
Lorenzo Fabbro, President de ARLeF; Federico Vicario,
President de Societât Filologjiche Furlane. 

A presentâ i compits e i obietîfs dal Centri al sarà Walter Tomada, President dal Comitât Tecnic di Docuscuele, invezit Rosalba Perini
e fasarà la introduzion sui 5 fassicui di “Marilenghe te scuele”, unitâts didatichis par furlan za prontis e che si puedin sperimentâ in ognidune
dei 5 classis de scuele primarie. Modei di unitâts didatichis a vignaran presentâts al public dai lôr autôrs: Miriam Pupini pe classe I,
Giuliana Tommasini, Luigina e Cristina Santi pe II, Lorella Moretti
e Sandro Fabello pe III, Nicola Tosolini pe IV e Monica Medeot pe V. 

A ducj i insegnants ur vignarà dade copie dai fassicui di
“Marilenghe te scuele” e l’atestât di partecipazion al incuintri
(iniziative di formazion increditade daûr des Liniis Vuide MIUR 2016-2019).

Par cuistions organizativis us domandìn di segnâsi
dentri di sabide ai 18 di Fevrâr
scrivint une mail di conferme a: info@scuelefurlane.it 




Fracant chi o podês savê di plui

lei online
 
 
STANUS DAÛR SU
Facebook / Twitter / YouTube / Instagram
ARLeF
Agjenzie regjonâl pe lenghe furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr de leç 196/2003, frache CHI par tirâ vie la tô email dal archivi.
Par plui informazions lait a viodi la informative su la Tutele de privacy.