Viôt la version on line / Facebook / Twitter / YouTube / Instagram
testata_newsletter_arlef.jpg

Preseadis e Preseâts

Al è cun plasê che Us segnalìn lis iniziativis

 
arlef_newsletter_mostra_ok.jpg

"Furlan, lenghe de europe" la mostre A MERÊT DI TOMBE

La ESPOSIZION IN OCASION DE SETEMANE DE CULTURE FURLANE


Dopo Brussel, li che e je stade presentade pe prime volte, Teramo,
Udin e Sapade, la mostre "Furlan, Lenghe de Europe",
promovude de ARLeF e curade dal diretôr William Cisilino,
e fasarà tape a Merêt di Tombe, te Sale Consiliâr dal Comun.
E sarà screade miercus ai 10 di Mai, aes 20.30,
inte suaze dai apontaments de Setemane de Culture Furlane,
organizade de Societât Filologjiche Furlane.

La mostre e je componude di 14 panei cun tescj par furlan e par inglês
che a ilustrin la storie, la culture, la comunicazion e la politiche linguistiche metude in vore intal teritori furlanofon de regjon
.

La mostre e sarà vierte al public fin ai 19 di Mai, in chescj oraris:
di lunis a vinars, des 10.00 aes 12.00
e la joibe ancje des 16.00 aes 18.00


Fracant chi o podês lei il program de Setemane de Culture Furlane
lei online

 
newsletter_vicino-lontano.jpg

la arlef a

vicino/lontano

cun "Maman! La cjasute dai fruts curiÔs" e "int/art"

Ancje chest an la ARLeF e je protagoniste dal festival "vicino/lontano",
che si davuelzarà a Udin dai 11 ai 14 di Mai.
Ai fruts al è dedicât il spazi "Maman! La cjasute dai fruts curiôs" par divertîsi in compagnie dai protagoniscj di "Maman!", la prime trasmission televisive par fruts par furlan, in onde ducj i vinars su Telefriuli.

La presentadore Daria Miani e il Mâc Deda a dan apontament ai plui piçui intal spazi de librarie Mondadori in vie Savorgnana 16/b (place Venerio),  intes zornadis di vinars ai 12 di Mai des 17.00 aes 19.00 e di sabide ai 13 di Mai des 10.00 aes 12.00 e des 17.00 aes 19.00.

 Il program de ARLeF al previôt ancje un apontament pai grancj te serade di sabide ai 12 di Mai, aes 20.30, te Glesie di Sant Francesc,
cu la proiezion des cinc pontadis dal documentari
"INT/ART Sintî locâl - Agjî globâl", dedicât aes storiis di zovins artiscj furlans, tra l'amôr pe art e la identitât culturâl e linguistiche.

Fracant chi o podês savê di plui

lei online
newsletter_saporiproloco.jpg

une cerce di furlan
a Sapori Pro Loco

la ARLef a passarian pe edizion XVI de manifestazion


Inte suaze de manifestazion Sapori Pro Loco, domenie ai 14 di Mai,
la Agjenzie Regjonâl pe Lenghe Furlane e sarà presinte cuntune sô postazion par fâ cognossi la sô ativitât intun contest di fieste dedicade
aes tipicitâts agroalimentârs tradizionâls. Pai visitadôrs, tancj gadgets
e materiâi in lenghe furlane preparâts di pueste. 

Il leam fuart tra teritori, lenghe e produzions enogastronomichis
al sarà rapresentât ben ancje dai menûs proponûts des diviersis Pro Loco, voltâts de ARLeF in forme bilengâl talian/furlan.


Fracant chi o podês lei dut il program de manifestazion

lei online
 
STANUS DAÛR SU
Facebook / Twitter / YouTube / Instagram
ARLeF
Agjenzie regjonâl pe lenghe furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr de leç 196/2003, frache CHI par tirâ vie la tô email dal archivi.
Par plui informazions lait a viodi la informative su la Tutele de privacy.