Preseadis e Preseâts

Al è cun plasê che Us segnalìn

 “SCUELE D'AVOST”

TRê DîS DI FORMAZION PAR INSEGNANTS
DI LENGHE FURLANE

Dai 28 ai 30 di Avost, si tignarà a Davâr (localitât Aplis)
la prime edizion di "Scuele d'Avost", un percors di formazion estîf
par insegnants, inmaneât dal Centri di documentazion ricercje
e sperimentazion didatiche pe scuele furlane Docuscuele,
cu la poie de Regjon Autonome Friûl Vignesie Julie, de ARLeF,
de Societât Filologjiche Furlane, dal Ufici Scolastic Regjonâl
e cul patrocini de UTI de Cjargne e Carnia Musei.

Il cors, increditât daûr des liniis vuide MIUR 2016-2019,
al è viert ai insegnants di lenghe furlane de scuele de infanzie,
primarie e secondarie di prin grât.

La iniziative e previôt un program articolât
cun lezions frontâls di linguistiche, leterature
e didatiche in/di lenghe furlane,
tignudis di esperts docents de Universitât,
e ativitâts laboratoriâls par cognossi
e meti in pratiche metodologjiis inovativis.

La partecipazion e je libare e gratuite: si podarà iscrivisi a dut il percors formatîf, dome a une zornade o a une o plui lezions.
Lis iscrizions a varan di rivâ dentri dai 11 di Avost;
si ricuarde che al è proviodût un numar massim di 60 iscrits.

Lis spesis par durmî e par mangjâ a son a caric
di ognidun dai partecipants.
Par cui che al volès fermâsi e stâ te stesse struture
dulà che si davuelzarà il cors o in struturis dongje,
al è pussibil viodi la propueste dal Ufici Turistic di Davâr.

Par informazions:
referente dot.e Antonella Ottogalli
Centri di documentazion ricercje e sperimentazion didatiche
pe scuele furlane
tel. 0432 501598 int.5 - info@scuelefurlane.it

Fracant chi, o podês discjamâ i documents
par iscrivisi e partecipâ