Preseadis e Preseâts

Al è cun plasê che Us segnalìn la iniziative

sabide ai 30 di setembar
grande fieste pe
zornade europeane
des lenghis

sot de loze dal lionel, des 10 indenant,
un program siôr di incuintris, musiche
e moments di confront.

Dal 2001, ai 26 di Setembar, si celebre ogni an
la Zornade Europeane des Lenghis, une ricorince volude
dal Consei di Europe e de Comission europeane par promovi
la diversitât linguistiche e chê culturâl, il plurilinguisim
e l'aprendiment des lenghis.

Par chest, ai 30 di Setembar dal 2017, des 10 di buinore aes 10 di sere, sot de Loze dal Lionel a Udin, lis lenghis dal Friûl si mostraran intun event speciâl e siôr di apontaments che al promôf la diversitât culturâl
e linguistiche, organizât de ARLeF in colaborazion
cul Comun di Udin e cu la Cooperative Informazion Furlane.

Vie pe zornade, lis minorancis linguistichis de regjon,
furlane, todescje e slovene,
a metaran in mostre lis lôr carateristichis
midiant di ents e associazions dal teritori.
Il program dal event al previôt informazion e musiche,
divertiment e animazion par fruts cun Maman!,
presentazion di novitâts editoriâls
e aprofondiments culturâi dilunc dute la zornade,
cun ospits ecezionâi tant che Catine e Doro Gjat,
e anticipazions su SUNS Europe 2017.

Cun di plui, sabide si podarà sotscrivi
il Minority Safe Pack, une campagne di racuelte firmis
a poie de tutele e de promozion dai dirits des minorancis,
dai dirits linguistics e de diversitât culturâl
www.minority-safepack.eu

In ultin, cheste setemane, visaitsi di stânus daûr sui
nestris canâi social par partecipâ ancje voaltris
al International Social Media Day, un progjet nassût par celebrâ
la Zornade Europeane des Lenghis in maniere interative e virâl.

Us spietin!

Fracant chi o podês lei il program complet de zornade