Preseadis e Preseâts

Al è cun plasê che Us segnalìn la iniziative

zûc de ocje pai frutins

presentazion de seconde edizion
a "puints", ai 7 di novembar dal 2017

Te suaze di Puints 2017, une rassegne di incuintris
su la lenghe, la identitât e la autonomie, e vignarà presentade
la seconde edizion dal "Zûc de ocje" par furlan.

L'apontament al è ai 7 di Novembar dal 2017, aes 17.30,
tal Salon dal Consei de Provincie di Udin.
 
Chest zûc al conferme la impuartance
dal aspiet ludic, in plui di chel didatic, tal aprendiment dal furlan
di bande dai fruts, che cussì a puedin imparâ divertintsi.

Al incuintri a intervignaran
il president de Provincie di Udin Pietro Fontanini,
Paolo Paron dal circul "L'Antica Quercia",
Lorenzo Zanon, president dal Istitût Ladin Furlan "Pre Checo Placeran"
e Rosalba Perini, The Mills English School.

A ducj i partecipants ur vignarà dade une copie dal zûc.

La rassegne Puints 2017 e je metude adun dal
Istitût Ladin Furlan "Pre Checo Placerean"
e de Provincie di Udin cul jutori de Regjon F-VJ.