Viôt la version on line / Facebook / Twitter / YouTube / Instagram
testata_newsletter_arlef.jpg

Preseadis e Preseâts

Al è cun plasê che Us segnalìn lis iniziativis

 
scrivi_600x300.jpg

"scrivi"

cors estîf di docuscuele
par imparâ a scrivi par furlan

Dai 2 ai 6 di Lui dal 2018, Docuscuele - Centri di documentazion ricercje e sperimentazion didatiche pe scuele furlane -
al organize il prin cors par imparâ a scrivi in lenghe furlane,
pai insegnants di ducj i ordins di scuele.

Il cors al darà ai docents lis competencis necessariis
di gramatiche, fonologjie, morfologjie e sintassi, par podê doprâ
in maniere corete la lenghe furlane scrite.

"Scrivi" si davuelzarà in 30 oris te sede de Filologjiche
a Udin (Palaç Mantica, vie Manin 18).


La scjadince par notâsi e je chê di
vinars ai 29 di Jugn, dentri des 12.00,
compilant la schede che o cjatais sul sît di Docuscuele,
adun cun dutis lis informazions detaiadis.

 La frecuence e je ricognossude daûr
des liniis vuide MIUR 2016 - 2019.

Par informazions, clamâ il numar 0432 501598 - int. 5
(dal lunis al vinars, des 09.00 aes 13.00) o scrivi
ae direzion di pueste info@scuelefurlane.it


Fracant chi, o podês jentrâ tal sît di Docuscuele

lei online
 arlef ucai_600x300.jpg

gNûFS FURLANS A CRESSIN

aRLEf E uCAI FVG INTUNE CUI ZOVINS FORESCJ

Il president de ARLeF Lorenzo Fabbro, al à tignût li de sede de Agjenzie un laboratori dal titul "Friûl, lenghis, dirits, identitât(s)",
là che a àn partecipât un grup di une trentine di zovins
des secondis gjenerazions di imigrâts e students forescj
che a studiin te Universitât dal Friûl.

La iniziative e je stade fate in colaborazion cu la
Union des Comunitâts e Associazions di Imigrâts - UCAI Fvg
.
Il grup al è stât compagnât de dotore Arminda Hitaj, 
referente pal progjet "Percors interculturâi".

Si à fevelât di storie dal Friûl e des sôs componentis etnichis linguistichis, dal rapuart tra il nestri teritori e la emigrazion/imigrazion,
dal plurilinguisim dal Friûl, des politichis linguistichis, de composizion sociâl dal Friûl, dai dirits linguistics e di identitât/identitâts.

I zovins a àn frontadis lis tematichis proponudis cun entusiasim,
atenzion e curiositât e cence nissun prejudizi viers de lenghe furlane, confermant che la ricjece e la diversitât linguistiche e culturâl
a ufrissin vantaçs e oportunitâts.

 
STANUS DAÛR SU
Facebook / Twitter / YouTube / Instagram
ARLeF
Agjenzie Regjonâl pe Lenghe Furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr dal Regolament UE 2016/679, frache CHI par tirâ vie la tô email dal archivi.
Par plui informazions lait a viodi la informative su la Tutele de privacy.