Viôt la version on line / Facebook / Twitter / YouTube / Instagram
testata_newsletter_arlef.jpg

Preseadis e Preseâts

Al è cun plasê che Us segnalìn lis iniziativis

 newsletter_emozions furlanis 2019.jpg

"emozions furlanis
in viaç pal teritori"

ViiI EDIZION DAL CONCORS PES SCUELIS

In ocasion dal inovâl dai 3 di Avrîl, Fieste de Patrie dal Friûl,
l'Ufici scolastic regjonâl dal F-VJ, in colaborazion cu la ARLeF,
al bandìs la VIII edizion dal concors
"Emozions furlanis in viaç pal teritori".

Il concors al è viert aes scuelis de infanzie,
primariis e secondariis di prin grât dal Friûl e al à tant che obietîf chel di valorizâ il patrimoni storic, artistic, culturâl e naturâl dal Friûl.

I docents a varan di trasmeti i progjets dentri dai 16 di Març dal 2019
al Ufici scolastic regjonâl, midiant consegne direte, par pueste
o vie mail (parfurlan@gmail.com)


Par savênt di plui
lei online

 newsletter_campagna.jpg

"pai tiei fîs, sielç
il furlan a scuele"

I fruts che a san il furlan a imparin miôr chês altris lenghis

Al è rivât il moment, pes fameis furlanis, di fâ une sielte impuartante:
iscrivi i fruts a scuele e tacâ cun lôr un percors educatîf
che ju vierç al plurilinguisim. Al è timp fin ai 31 di Zenâr dal 2019!

La ricjece linguistiche dal nestri teritori e ufrìs aes fameis dal Friûl
la oportunitât di fâ cressi i propris fîs bilengâi o plurilengâi:
in graciis des leçs statâls e regjonâls, lis oportunitâts di esposizion al furlan
si son moltiplicadis. Lis fameis a puedin sielzi pai lôr fîs
l'insegnament dal furlan tal moment de iscrizion, e la adesion
e reste buine par dut il cicli scolastic.
 
Sielzi il furlan a scuele al rapresente une oportunitât
par imparâ cun plui facilitât altris lenghis
e par slargjâ

lis competencis dai fruts.


Par savênt di plui
lei online

newsletter_falù.jpg

"un amì par falù"

Al rive a cividât ai 24 e ai 27 di zenâr

"Un amì par Falù / Un amico per Falù" al è un progjet
ideât dal Teatro della Sete
e finanziât de ARLeF - Agjenzie Regjonâl pe Lenghe Furlane.

E je une esperience creative dute in lenghe furlane
pai fruts e pes lôr fameis.

L'event al tache joibe ai 24 di Zenâr, aes 17.00,
li dal Centri internazionâl Vittorio Podrecca cuntun
laboratori ludic e creatîf là che i fruts dai cinc agns insù
e lis lôr fameis a realizin insiemi un pipin.

Domenie ai 27 di Zenâr, des 16.00,
tal teatri Ristori al va in sene il spetacul teatrâl "Falù"
dulà che, ae fin, i fruts a son invidâts
sul palc tant che i vêrs protagoniscj de storie.


Par savênt di plui

lei online
 
STANUS DAÛR SU
Facebook / Twitter / YouTube / Instagram
ARLeF
Agjenzie Regjonâl pe Lenghe Furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr de leç 196/2003, frache CHI par tirâ vie la tô email dal archivi.
Par plui informazions lait a viodi la informative su la Tutele de privacy.